చావుకోరల నుండి రక్షించునా నిన్ను శతకోటిమంత్రాలు నరుడా
కావుమని శ్రీరామచంద్రుని వేడక కాలము గడపకు నరుడా
మంత్రాలు జన్మచక్రంబును ద్రుంచెడు మాట సర్వకల్ల నరుడా
తంత్రాలుపన్ని ఆచావు నుండి నీవు తప్పించుకోలేవు నరుడా
మగనికి పెండ్లాము పెండ్లామునకు మగడు మంచిమాటలె కాని నరుడా
జగమున వ్యవహారజ్ఞానంబునకు మించి సత్యంబులు కావు నరుడా
తనువున జేసి బాంధవ్యంబులు నీకు తగులుకొన్నవి కాని నరుడా
విను మాత్మబంధువై వెలసియుండిన వాడు విభుడు రాముడె నీకు నరుడా
భూములు సొమ్ము లు పదవులు యశములు పోయేవి వచ్చేవి నరుడా
రామనామము తప్ప శాశ్వతంబైన దింకేమున్నది నీకు నరుడా
శ్రీరామ జయరామ నను కావుమని వేడి క్షేమంబు గాంచరా నరుడా
పోరా సంసార సాగరంబును దాటి పొమ్మింక వైకుంఠపురికి
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.