రామనామమే లేని దేమి జన్మము
రామపూజనము లేని దేమి జన్మము
మనసార శ్రీరామమంత్రంబు జపియించ
మనుజులకు పవలేమి మరిరాత్రి యని యేమి
తనివార స్మరియించు ధన్యజీవుల యెడ
యినకులేశుని కరుణ యింతితనరాదుగా
రాముని చింతించి రాముని గుణమెంచి
రాముని ప్రేమించి రాముని సేవించి
రాముని పూజించి రాముని వాడైతే
రాముడు చేరదీసి రక్షించ కుండునా
ఆరూఢిగా జగము శ్రీరామ మయమని
శ్రీరామ మంత్రమే జీవనాధారమని
నోరార శ్రీరామ శ్రీరామ యనువాడు
కోరితే మోక్షమే కొసరడా రాముడే
