చిన్న పెద్ద యిళ్ళన్నీ చివరకు నే విడచితిని
అన్నన్నా రామచంద్ర అన్ని యిళ్ళు కట్టించిన
పున్నెము నీదేనయ్యా పురుషోత్తమా
తిన్నగా నేయింటను నన్నుండగ నీయనిదే
మన్న నదియు నీయాజ్ఞయె మంచిదేవుడా
అన్ని యిళ్ళ వంటిదే యపురూపముగా నిపుడు నే
నున్న యీ యిల్లు కూడ ఓ రామయ్యా
తిన్నగాను నీకిది మందిరిముగా నిలిపితి నే
నిన్నాళ్ళును నిందు నేను నిన్ను కొలుచుచుంటిని
పడిపోయే యిల్లని నే భావించుట మరచితిని
చెడని పడని యింటిలోన శ్రీరాముడా
కడకు నన్ను చేర్చరా చెడతిరిగినది చాలును
చెడే యిళ్ళు కట్టికట్టి చిత్త మలసిపోయినది
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.