మరిమరి శ్రీరామమంత్రము పఠియించి
మురిసే మనిషే మోక్షార్హుడు
వ్రతములు పదివేల ఫలమేమి దశరథ
సుతునికై తహతహ సుంతైన లేక
మతిమంతుడై రామమంత్ర ముపాసించి
ప్రతిగా మోక్షమే బడయగ రాదో
దానధర్మములు తాజేసి ఫలమేమి
మానవేశ్వరుడైన మన రామయ్యకు
మానసమర్పించి తానున్న చాలును
తానిచ్చునే కద తనకా మోక్షము
భవతారకంబనుచు పరమయోగులు మెచ్చ
భువి మంత్రమై వెలసె రవికులేశుని పేరు
చవిగొన్న వారలిక భువిని పుట్టగ బోరు
వివిధమంత్రంబులను వేడగ నేల
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.