శ్రీరామనామం చేరని మనసే చీకటిగుహ కాదా నామం
చేరిన మనసున జ్ఞానప్రకాశం చిందులువేయు కదా
చీకటిగుహలో విషకీటకములు చేరుచునుండు కదా మనసను
చీకటిగుహలో కామక్రోధములు చేరక మానవుగా
చీకటిగుహలో సంపద లున్నను చేతికి చిక్కవుగా మనసను
చీకటిగుహలో సుగుణసంపదలు చెడు నకటా యిట్లే
చీకటిగుహలో తన దుస్థితిని చెప్పరాని యటులే మనసను
చీకటిగుహలో జీవునిదుస్థితి చెప్పనలవి కాదు
చాలా బాగుంది. భావనతో పాటు లయబద్ధమైన నడక సొగసుగా ఉంది.
రిప్లయితొలగించండిచీకటి గుహలో సుగుణ సంపదలు "నకటా చెడునిట్లే" కు మారుగా, "చెడునకటా యిట్లే" అనంటే బాగుంటుందోమో ఆలోచించండి. తూగు వల్ల వచ్చే మార్దవం, పైపెచ్చు మిగతా అన్ని పాదాలలోనూ పాటించిన యతిమైత్రి కి ఇక్కడా లోటు లేకుండా ఉంటుంది.
మంచిసూచన. నిజానికి మీరన్నదే ఉద్దేశించినా తొందరలో వ్యత్యస్తంగా లిఖించటం జరిగింది. రామకీర్తనం మీకు ఆనందం కలిగించటం నాకానందం.
తొలగించండి