రామచంద్రా నన్ను రక్షించమంటే నీ
వేమీ మాట్లాడ విదియేమి మరియాద
రూక లిప్పించమని నీకు మొఱబెట్టితినా
కోక లిప్పించమని కోరుకొంటినా
నాకు సంసారేఛ్ఛ నశియించి నీదిక్కై
నీకు దండముపెట్టి నీసన్నిధి నడిగితిని
భూము లిమ్మన లేదు పుట్ర లిమ్మన లేదు
ఏమి భోగంబుల నించుకడుగను
స్వామి సంసారేఛ్ఛ చచ్చినది నీదీక్కై
కామితము లేలేవు కటాక్షించు మంటిని
మరలపుట్ట గోరను మరలచావ గోరను
మరలమరల వసుధను మసలగోరను
హరి యీసంసారేఛ్ఛ అడుగంటీ నా దిక్కై
పరమాత్మ శ్రీరామ పాహిపాహి యంటిని
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.