మేలాయె మేలాయె బాలగోపాల ఈ
వేళ బహుకృపగలిగి విచ్చేసినావు
అందరి మనసుల నాహరించి నీవే
యుందు వన్నివేళ లందు నందబాల
విందుకు రమ్మని వేమార్లు పిలువగ
సుందర నేటికి జొచ్చితి వీయిల్లు
ఇల్లిల్లు తిరిగేవు నల్లనయ్యా నీవు
ఇళ్ళన్ని నావనుచు నెన్ని యిండ్ల
సల్లాపములు సలిపి చనుదెంచినావు
వల్లమాలిన ప్రేమ వచ్చి నామీద
పొలతుక యెవ్వతె పొమ్మని యదిలించె
నళినాక్ష తిరుగుళ్ళ కలిగి నీమీదను
వలచి నాయింటికి వచ్చినావా యేమి
బలె బలె యిటులైన పండెను నాపంట