వీడెవ్వడంట వీడెవ్వడంట
చేడియ చొరబడె నింట
ఊహల కందని వాడంట జగ
న్మోహను డీనల్లవాడంట
మోహాలు తొలగించు వాడంట మధు
రోహలు కలిగించు వాడంట
మంచిముచ్చటల వాడంట వల
పించెడు నేర్పున్న వాడంట
ఫించము దాల్చెడు వాడంట నయ
వంచన లడగించు వాడంట
పాలారగించెడు వాడంట విన్న
పాలాలకించెడు వాడంట
మేలైన చేతల వాడంట నంద
బాలు డోహో మన వాడంట
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.