ఈయిల్లు నాదని యెంతగా మురిసితిని
ఈయింటి కొఱకు నే నెంత చేసితిని
ఈయింటిలో యునికి నెంచి శాశ్వత మని
ఈయింటి యందమున కెంతగానో మురిసి
మాయదారి గొప్పమాయలోన మునిగి
ఈయిల్లు నాకు నీవిచ్చినావని మరచి
ఈయింటిలో నుండుటే భాగ్యమని యెంచి
ఈయింటి దారుఢ్య మినుమడించుట కని
చేయరాని సేవ లెన్ని చేసితిని మమతతో
ఈయిల్లు నాయిల్లే యిటుపైన కాదా
ఈయిల్లు వలదులే ఈశ్వరా యికచాలు
యేయింటిలో నుండ నిక మనసు లేదు
నీయిల్లే నిజముగా నాయిల్లు రాముడా
ఆయింటిలో నుండ నాజ్ఞ సేయ వయ్య
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.