ఇంతచిన్న మాటకే ఎందుకు కినుక ర
వ్వంత యైన నీకీర్తికి పడదే మరక
ఒక శరమున సుబాహుని హుతవహుని కిచ్చి యిం
కొక శరమున మారీచుని యొయ్యన కొట్ట
వకటా తప్పాయె నని అనుకొందును నాలీల
నొకటియు నీవెఱుగ వని యురక నగక
పరమసూక్ష్మబుధ్ధివయ్యు సురవైరి లేడియై
యరుదెంచిన గురుతించ వైతి వంటే
హరిలీలావిలాసమున అది చమత్కార మనుచు
నెఱుగ లేని నావెఱ్ఱిని జూచి నగక
సీత కొఱకు రణముచేసి చిదిమి రావణాసురుని
సీత కగ్నిపరీక్షను చేసి నావే
నీతీరుకు బ్రహ్మాదులు నివ్వెరపోయి రంటే
నాతత్త్వ మెఱుగ రని నగక రామ
