నిత్యసత్యవ్రతునకు నీరజశ్యామునకు
భృత్యులము శ్రీరామభృత్యులము మేము
కమనీయగాత్రునకు కరుణాసముద్రునకు
విమలచారిత్రునకు వీరరాఘవునకు
కమలాయతాక్షునకు ఘనపాపహరునకు
విమలకీర్తియుతునకు భృత్యులము మేము
అరివీరమర్దనునకు వరభక్తసులభునకు
దరహాసవదవునకు ధర్మావతారునకు
పరమయోగీంద్రునకు పరమసుఖప్రదునకు
విరించ్యాదినుతునకు భృత్యులము మేము
తారకనామునకు ధరణిజానాధునకు
నారాయణమూర్తికి దారుణదైత్యారికి
వారాశిబంధనునకు పట్టాభిరామునకు
వీరాధివీరునకు భృత్యులము మేము
