10, ఏప్రిల్ 2023, సోమవారం

మంచుకొండ మీది మహదేవా

మంచుకొండ మీది మహదేవా నీవు మంచిదేవుడవు మహదేవా

రామనామమిచ్చి మహదేవా మమ్ము రక్షించినావయ్య మహదేవా

తారకనామంబు మహదేవా మేము తలదాల్చి యుందుము మహదేవా

ముప్పూటలను దాని మహదేవా మేము మ్రొక్కుచు నుడివేము మహదేవా

రామనామమహిమ మహదేవా మంచి లక్షణముల నిచ్చు మహదేవా

రామనామమహిమ మహదేవా పాపరాశిని దహియించు మహదేవా

రామనామమహిమ మహదేవా సర్వకామన లీడేర్చు మహదేవా

రామనామమహిమ మహదేవా మనోలయమును చేయును మహదేవా

మంత్రమహిమ చేత మహదేవా కలుగు మాకు మోక్షపదవి మహదేవా

మోక్షపదవి కలిగి మహదేవా మేము భువికి తిరిగిరాము మహదేవా