ఎన్నడేని రామచంద్రు బన్నుగా నుతింపకున్న
నన్న మెట్లు సహించునో యన్న సద్భక్తునకు
అన్నోదకంబు లన్నియు హరిదయతో నిచ్చినవని
తిన్నగాను మనసులోన నెన్నుచు సంతోషముగా
కన్నతండ్రి నీదయచే కలిగిన నీతనువు నిపుడు
నిన్ను దలచి పోషించెద నీవిచ్చిన మెతుకుల నని
చకలచరాచరంబులను చక్కగాను పోషించుచు
అకళంకస్థితిని లోకము లన్నింటిని నిలుపు తండ్రి
శుకాదియోగివరు లెన్ను శుధ్ధబ్రహ్మస్వరూపమవు
వికచతామరసాక్ష నిన్ను వేనోళ్ళను పొగడుదునని
పన్నగేంద్రశయన హరి పన్నగేంద్రభూష వినుత
పన్నగారివాహన ఆపన్నశర ణ్యాప్రమేయ
ఎన్నగ నీకృపామృతం బన్నరూపమగుచు కలిగె
నన్ను ధన్యుని చేసినట్టి నారాయణ వందనమని
