గోవిందుని నామములే కొంగుబంగరు కాసులు

గోవిందుని నామములే కొంగుబంగరు కాసులు

ప్రోవు చేసుకొనవయ్య ప్రొద్దుగూకులు

నీవు పీల్చు యూపిరికి నీవిచ్చు కృతజ్ఞతలు

నీవు చేయు పనులకెల్ల నిత్యసహకారాలు

నీవు మోసుకొనిపోయే నిజమైన ఆస్తులు
నీవు కొను ముక్తిమేడకు నీవిచ్చే సొమ్ములు

 

భావింపగ బ్రతుకు పొలము పండించే చినుకులు

దేవుని సంబోధించే దివ్యమైన పదములు

లావైన పాపలతల ఠీవిచెఱచు కత్తులు

ఆవిధివ్రాతలను మార్చు అందమైన ఆజ్ఞలు

సేవించెడు వారికెల్ల క్షేమమిచ్చు దీవనలు

ధీవరులను నడిపించు దివ్యకరదీపికలు

భావనాకాశమందు ప్రకాశించు తారకలు

ఆవిభుని రామనామ మందు చంద్రబింబము