భారమైతినా నీకు పతితపావనా

భారమైతినా నీకు పతితపావనా సం

సారబాధకోర్వక నిను శరణుజొచ్చితే

శరణుజొచ్చి నపుడు కరి చాలభార మనలేదు

శరణుజొచ్చి నంత సురలు సాధ్యపడ దనలేదు

శరణమన్న కపిరాజుకు చాలకష్ట మనలేదు

శరణమంటే నేనిపుడు మరియేల మౌనము

శరణమన్న కాకాసురు కరుణించి విడచితివి

శరణమన్న విభీషణుని సత్కృపతో కాచితివి

శరణమంటే రావణనే కరుణించెద నంటివి

శరణమంటే నన్నిప్పుడు కరుణించ కుందువు

శరణాగతులగు భక్తుల పరిదీనత మాన్పుచు

తరచుగ వారకి మోక్ష వితరణము నొనరించే

పరమపురుష రామచంద్ర పరాంగ్ముఖుడ వైతివి

శరణమంటే విననట్లే విరసుడవై యుందువు