26, ఏప్రిల్ 2023, బుధవారం

హరిని నమ్ముకొంటే మీకు హరియే తోడు

హరిని నమ్ముకొంటే మీకు హరియే తోడు శ్రీ

హరిని నమ్మకుంటే మీకు మరి యెవరు తోడు


సురవరులందరకును హరియొకడే తోడు

హరబ్రహ్మాదులకును హరియొకడే తోడు

చరాచరసృష్టి కెల్ల హరియొకడే తోడు

హరితోడు వలదంటే మరి యెవరు తోడు


పరమయోగీంద్రులకు హరియొకడే తోడు

అరయ మునులందరకు హరియొకడే తోడు

పరమభక్తులందరకు హరియొకడే తోడు

హరి గాక యెవరికైన మరి యెవరు తోడు


హరి యొకడే తోడని హరేరామ యనరే

హరి యొకడే తోడని హరేకృష్ణ యనరే

హరి యొకడే తోడని యనిశము పలుకరే

మరి యెవరు తోడు శ్రీహరియే తోడనరే