రామనామ స్మరణమునకు రమ్యమైన సమయము
భూమిజనులు నిదురపోవు పుణ్యసమయమే
నరుల దురాలోచనాతరంగములు ప్రకృతిలో
తిరుగుచుండు వేళలందు దివ్యభావనల యోగి
వరులు సాధనల నిలుప వలయుననిన కష్టము
మరి యందుకె రాత్రులన్న మక్కువ చూపింతురు
ఏల దైవచింతనమని యెవరును ప్రశ్నించరు
ఏల రామా యందువని యెవరను ప్రశ్నించరు
ఏల భక్తిపిచ్చి యనుచు నెవరు నికిలించరు
చాల ప్రశాంతముగ రామచంద్రస్మరణ సాగును
