సీతానాయకా హరే సీతానాయకా రామ
చేతులెత్తి మ్రొక్కేము సీతానాయకా
పాతకులమయ్యా మేము సీతానాయకా కలి
చేతులలో పాడైతిమి సీతానాయకా
రోతధనముల కొఱకు సీతానాయకా బహు
పాతకములు చేసితిమి సీతానాయకా
చేతబట్టి పాశములను సీతానాయకా యమ
దూతలు మము పట్టెదరు సీతానాయకా
ఆతురులమయ్యా మేము సీతానాయకా బహు
భీతచేతస్కులము సీతానాయకా
మాతప్పులు కాయవయ్య సీతానాయకా మ
మ్మేతీరున బ్రోచెదవో సీతానాయకా మాతలపుల నిన్నుంచి సీతానాయకా బహు
ప్రీతితో స్మరించెదము సీతానాయకా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.