యింతి కైక వీని పుట్టు వేదో రహస్యమే
కొంత నీకు తెలిసినట్లు గోచరించు నాకు
ఎన్నడేని చూడ నతివ నెవరును విల్లంబుల
చిన్న బిడ్డ ముందుంచుట నన్నప్రాశనంబున
ఇన్నాళ్ళకు నీవుంచగ గన్నప్పుడు నవ్వితిమి
అన్నన్నా వాడు పట్టె తిన్నగ విల్లంబులు
కన్నతల్లిని నాయెద్ద గడపుచుండునా వాడు
తిన్నగ నీకొంగుబట్టి తిరుగుచుండును గాని
చిన్ననకా ధనుర్విద్య చెప్పుచుందువును నీవు
ఎన్నెన్నో రహస్యము లిది యేమి వింతయే
పురుషోత్తమ రామ యని పొలతుక నీవొక్కనాడు
పరాకున పిలచితివని వార్త వచ్చెను నాకు
జరుగుతున్న దేమో నా కెఱిగింపవే నేడు
తరుణీ వీడెవడే యీ దాశరథి నాకొడుకు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.