నిన్ను పొగడ కెటులుందురా నీరేజనయన నీ
కన్నను నాప్తులెవరు నాకున్నారయ్య రామ
చాల చెడ్డవాడయ్యును జాతివైర ముండియును
నాలుకను పీకికొనును నాడు మారీచుడు
మేలిమివాక్యముల తోడ మిక్కిలిగా నినుపొగడ
చాల కుతూహలము చూప సద్భక్తుడ నయ్యును
వైరితమ్ముడయ్యు గూడ వచ్చి నిను శరణువేడి
ధారాళంబుగ పొగడడె దయామయా నిన్ను
కూరిమితో పగతునైన చేరదీయు నుదారుడవు
వారిజాక్ష నిన్నుపొగడి పరవశించ కుందునా
కోరి కొలుచుచుండు నట్టి కొతినొక బ్రహ్మనుగా
మారుచు దైవమవ నిన్ను మరిమరి పొగడనా
మారజనక నీకన్నను మహిమాన్వితు లెవ్వరురా
నోరారా నినుపొగడక యూరకండ వచ్చునా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.