శ్రీరామచంద్రునకు జైకొట్టరా సీతమ్మ తల్లికి జైకొట్టరా
నారాయణుండని జైకొట్టరా నారి శ్రీలక్ష్మి యని జైకొట్టరా
కారడవులను తిరిగి కష్టాలు పడుటెందుకు
శ్రీరామచంద్రుడును సీతమ్మయు
నారాయణుడ నిట్లు నరునిగ వచ్చితినని
ఔరౌర మరచినాడే శ్రీరాముడు
మరిచినాడో హరి మరపు నటించినాడో
సురవైరి రావణుని పరిమార్చగ
మరియొక్క దారిలేక నరుడాయె శ్రీహరి
సిరియే సీతమ్మగను తరలివచ్చె
సిరియే సీతమ్మగను తరలివచ్చి లంకా
పురిజొచ్చి రావణుని పుట్టిముంచె
సురలెల్ల మునులెల్ల పరమహర్షమ్మున
సరిలేరు మీకన్నట్టి జంటకిప్పుడు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.