పంచవన్నెల చిలుకా బంగారుచిలుకా ఈ
మంచిపంజర మందు నీవు మసలుకోవే
పంజరము పంజరమే బంగారు పంజరమైనా
పంజరము పంజరమే బ్రతు కందు దుర్భరమే
పంజరము నందు స్వేచ్ఛ ప్రసక్తియే లేదుకదా
రంజన చెడి యుండనేల పంజరమ్ము నందు
పంచగవాక్షములుండిన బంగారు పంజరమందున
మంచి పంచతిన్నెలున్న మహితశుభ పంజరమందున
నుంచి పోషింతునంటే ఉలికిపడే ఓ చిలుకా
వంచన యిందేమి లేదే భయపడకే చిలుకా
పారిపోయే చిలుకనా పంజర మిది దేనికయా
ఓరామా నీపదముల నుండు మంచి చిలుకనే
శ్రీరామా నీనామమె చెప్పుచుండు చిలుకనే
ఓ రామచిలుకా యిక కోరి నట్లుండవే
