ఏమిరా నాకన్నతండ్రీ యెందు కలిగినావురా
రామ నాతో చెప్పరా నీ కేమికష్టము కలిగెరా
గోరుముద్దలు కైక నీకు గోముగా తినిపించదా
చేరబిలిచి నిను సుమిత్ర చెంపలను ముద్దాడదా
నీమనోరథమును తెలిసి నేడు లక్ష్మణు డుండడా
ఏమి నొవ్వు మాటలాడిరి యెంచి భరతశత్రుఘ్నులు
అవనినాథుడు శిరసుమూర్కొని యంకపీఠిక నుంచడా
భువనమోహన యని సుమంత్రుడు ముద్దుగా నిను పిలువడా
మాటిమాటికి ఓడు నేస్తులు మానక తగువాడిరా
అటలాడిన దింకచాలని యందురా నిను దాదులు
రామచంద్రా మంత్రులు నిను రాజసభలో పొగడరా
రామ నీదే గద్దె యనిచు రాజు మురియుచు పలుకడా
నీలమేఘశ్యామ యేల నీకు కోపము కలిగెరా
చాలు నలుకలు రార అమ్మకు సంతసము కలిగించరా
