నాకొడుకా నీకొడుకా నంగనాచి కైకా
నీకొడుకేనా రాముడు నాకు కొడుకు కాడా
దుంప లెందుకు పెట్టావే దొంగముఖము దానా
దుంపలు వాడిష్టపడితె దోషమేమిటమ్మా
చెంపలెందుకు గిచ్చావే చీలిముఖము దానా
చెంపమీది యంటు చీరచెంగున తుడిచానే
తుప్పలలో త్రిప్పావట దొడ్డికాళ్ళ కైకా
తుప్పలన్నీ వెదకి వాని తెచ్చితి నోయమ్మా
ఇప్పుడేల విల్లంబుల నిచ్చితివే కైకా
తప్పేమే వాడు గొప్ప దశరథుని కొడుకే
నాకన్నా వాడిమీద నీకెక్కువ ప్రేమటే
నీకు వాడుకైతే నాకు వాడు ప్రాణమే
నాకు దూరము చేయకే నాటకాల కైకా
నీకొడుకు బాగుకొరకు నిందకైన సిధ్ధమే
