మాకు రాము డున్నాడని మరువకండీ
మాకు రామనామ ముంది మరువకండీ
మాకెందుకు ధనములపై మమకారము కలుగును
మాకెందుకు కాంతలపై మరులుగొనుట కలుగును
మాకెందుకు పదవులకై మనసుపడుట కలుగును
మాకు మారాము డుండ మరియేమి కావలెను
మాకెందుకు మీగురువుల మంత్రోపదేశములు
మాకెందుకు మీగురువుల మహాతంత్రవిద్యలు
మాకెందుకు మీగురువుల మహితచరిత్రంబులు
మాకు మారాము డొకడె లోకంబున సర్వము
రామనామ మొకటుండగ రాముడు మాకుండగా
రామభక్తులకు జయమే స్వామి ప్రసాదించగా
రామ రామ రామ యనుచు భూమి మారుమ్రోగగా
మేము చెలరేగుదుమని యేమరకండీ
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.