నేరములే చేసితిమి నారాయణా

నేరములే చేసితిమి నారాయణా మేము

శ్రీరామా యనమైతిమి నారాయణా

క్రూరకర్మములు చేసి నారాయణా మేము

దారుణమగు నరకములే నారాయణా

ఆరూఢిగ పొందుదుమో నారాయణా అచట

ఘోరశిక్ష లుండునంట నారాయణా

ఘోరసంసార జలధి నారాయణా దీని

నేరీతిగ నీదుదుమో నారాయణా

దారి తెన్ను కానరాదు నారాయణా నీవు

తీరమునకు చేర్చుదువట నారాయణా

తీరము చేర్చునట్టి నారాయణా యింక

నేరముల నెంచవద్దు నారాయణా

తారకరాముడవు నీవు నారాయణా విడువ

నేరమింక నీనామము నారాయణా