ఆకసపు వన్నె వా డఱుదైన విలుకాడు
రాకాసుల నణచువాడు రామచంద్రుడు
శోకములు బాపువాడు సుఖములు చేకూర్చువాడు
ప్రాకటముగ సత్యధర్మపరాయణుడు
లోకముల నేలువాడు లోకేశులు పొగడువాడు
శ్రీకరుడు సకలలోక క్షేమంకరుడు
శక్తి నొసగుచుండు వాడు సుజనులకు నిత్యమును
ముక్తి నొసగుచుండు వాడు ముముక్షువులకు
భక్తులకు నిత్యరక్ష ప్రసాదించుచుండు వాడు
యుక్తమైన వరములెల్ల నొసగు వాడు
యోగివరులు పొగడువాడు సాగి సురలు మ్రొక్కువాడు
భోగిరాజశయానుడు పురుషోత్తముడు
నాగురుడును దైవమగుచు నన్నేలుచు నుండువాడు
దాగియుండు వాడు నా హృదంతరంబున 
ఔనౌనౌ అతగాడే అహల్య పాలిటి వరంగా వచ్చినవాడు
రిప్లయితొలగించండిఔనౌనౌ అతగాడే వాలిని సంహరించిన వాడతడే సుమి
ఔనౌనౌ అతగాడే అందాల సీతమ్మ మదిరోహించిన వాడు
ఔనౌనౌ అతగాడే కోదండ పాణి కోసలేంద్ర సార్వభౌముడతడే శ్రీరామచంద్రమూర్తి
మూర్తిభవించిన సత్యానికి ఘనిభవించిన దయకు ప్రతిరూపం అతగాడే
ధన్యవాదా లండీ.
తొలగించండి"సీతమ్మ మదిరోహించిన వాడు" అంటే ఏమిటండీ!
తొలగించండిఆరోహణ, అవరోహణ గురించి మీకు ప్రత్యేకంగ చెప్పగలనా హరి బాబు గారు. శివౘపం ఎక్కు పెట్టి సీతమ్మ మదిని దోచిన వాడు శ్రీరామ చంద్రుడనే అర్థం వచ్చేలా వ్రాశాను. ఏదైనా తప్పుగా అనిపిస్తే క్షమించండి.
తొలగించండిమీరు సదుద్దేశంతోనే రాశారు,పదాల అమరికలో సందిగ్ధత ఉంది. అందువల్ల చదవగానే గభీమని బూతు అర్ధం వచ్చేలా ఉంది.ఛందస్సు లేని స్వేచ్చాగీతమే కదా.కొంచెం మారిస్తే బాగుండేది.అంతకుమించి మీవంటి భక్తులను నెపమెన్నడం అనే దురుద్దేశం లేదు.
తొలగించండిజై శ్రీ రాం!