ఘడియఘడియకు నీనామ గానమాయె నాకు
నుడులనుడుల నీపేరే నోరు పలుకుచుండె
ఇతరక్రియాకలాపముల నెన్నిటినో చేయుచునే
ప్రతిక్షణమును రామనామ భావనతో గడుపనా
అతులితమగు రామనామామృతమునుసేవించి
యతిశయించుభాగ్యమే యబ్బె నది నీ దయతో
దినదినమును పొట్టకై దేశమెల్ల తిరుగుచునే
మనసు నిండియున్న నిన్ను మానక భావించనా
అనుక్షణము నీ తత్త్వము నాత్మలో చింతించుట
యనునది నాబాగ్యమే యబ్బె నది నీదయతో
పడును గాక యీ యుపాధి పడవలసిన నాటికి
చిడిముడి పడనేల నాకు చెడదుగా నాదీక్ష
చెడక నిలచు నీ యాత్మను చెందియున్న నీదయ
విడువకనది నీపాదసీమ విహరించును నిరతము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.