చిత్తమా కోరకే సీతారాముని నీవు
కొత్తకొత్త గొంతెమ్మకోరిక లిపుడు
అడిగినవన్నీ యిచ్చి ఆదరించు రాముని
అడుగరాని వడుగకే అలుసై పోకే
అడుగవలయునా నీ వతడికే తెలియదా
వడివడి నీకేమీయ వలయునో మనసా
చింతామణి చెంత నిలచి చింతకాయ లడుగకే
అంతవాని చిళ్ళపెంకు లడుగనెంచకే
చింతలుడిపి భక్తకోటి కంతులేని యానందము
సంతత మందించు వాని చెంతనున్న వేళ
నిన్ను నీ వర్పించు కొన్నావు గద యిక
చిన్న పెద్ద కోరిక లని చెప్ప నున్నవా
పన్నుగ నీ రాముని సన్నుతాంఘ్రియుగమున
నున్న వేళ ఒక కోరిక యుండు టున్నదా
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.