రాముని సేవించ రాదా ఓ నరుడా

రాముని సేవించ రాదా ఓ నరుడా
కాముని సేవించి కడతేరక

మోహనాంగుని నీవు మోహించి సేవింప
నూహింతువో రాము డుత్తము డందాన
మోహించి రాతని మునిపుంగవులు కూడ
పాహి యనుచు వాని భావింపరాదా

శ్రీమంతునే నీవు సేవించ దలచిన
రామచంద్రుని కన్న శ్రీమంతు డెవ్వడు
రాముని మోక్షసామ్రాజ్యలక్ష్మీపతిని
ప్రేమతో సేవించి పెంపొందరాదా

ఏడేడు జన్మల నెడబాయకుండెడు
వాడే కావలెనని వాదింతువో నీవు
కూడుకొన్న వారి వీడక రక్షించు
వాడన్న శ్రీరామభద్రుడొక్కడె కాదే