భూజనులు పొగడ రాజన్యులు పొగడ
రాజదండము దాల్చె రామచంద్రుడు
పారావారమును గట్టి పౌలస్త్యుని గొట్టి
వీరాధివీరుడన్న బిరుదుపొందిన వాడు
నారాయణుడని ఋషులు నమ్ముకొన్న వాడు
ధారుణీసుతను గూడి పేరిమికాడై యుండి
వేదమంత్రముల మధ్య వేడుకల మధ్య
శ్రీదయితుడైన ఆ ఆదినారాయణు డన
మేదినీతనయతో మురియుచు కూర్చుండి
మువురమ్మలు తమను మురియుచు దీవింప
వివిధ వాద్యముల మధ్య వేడుకల మధ్య
భవుడు నారాయణుడని ప్రస్తుతించినవాడు
అవనీసుతతోడ వేడ్క నాసీనుడై యుండి
శ్రీరామ పట్టాభిషేకం జరుగుతున్నప్పుడు అక్కడే ఉన్నారా ఏమిటి?
రిప్లయితొలగించండికళ్ళకి కట్టినట్టు వర్ణించారుగా!అంతా రామమయం!!
ఉగాదినుండి వరుసగా శ్రీరామపట్టాభిషేక వర్ణనతో కీర్తనలు వస్తున్నాయి. అన్నీ ఒకసారి చదివి మీ అభిప్రాయం చెప్పగలరు.
తొలగించండి