ఇటులేల చేసితివో యినకులేశ్వరా

ఇటులేల చేసితివో యినకులేశ్వరా

కటకటా ఈదేహి కష్టమే కష్టము

ఘోరభవబంధముల గూర్చి యోచించగ

వైరాగ్యదివ్యసంపదనైన తగినంత

శ్రీరామ నాకీయ చింతించ వైతివే

ఔరౌర యీదేహి కొక దారి యున్నదా

నేరుపున నీసేవ నిరతంబు సేయగా

కోరు చిత్తమును నోచు కొనిన దేహంబును

శ్రీరామ నాకీయ చింతించ వైతివే

నీరేజదళనేత్ర నిన్నేమన వచ్చును

నోరార నీపాట నూరూర పాడగల

తీరైన చక్కని తీయన్ని జిహ్వైన

శ్రీరామ నాకీయ చింతించ వైతివే

కారణం బేదైన కష్టమే యిదినాకు