నీవాడ నీవాడ రామయ్యా
నావాడవై యుండు రామయ్యా
నీవాడనే కాని రామయ్యా
నేనెవరి వాడను రామయ్యా
నీవిచ్చునది కాక రామయ్యా
నేనేమి కోరెదను రామయ్యా
నీమాట వినకుండ రామయ్యా
నేనెందు బోదునో రామయ్యా
నీమంత్రమే కాక రామయ్యా
నేనేమి జపియింతు రామయ్యా
నీపాటలే గాక రామయ్యా
నేనేమి పాడుదును రామయ్యా
నీపలుకులే గాక రామయ్యా
నేనేమి గణియింతు రామయ్యా
నీయనుమతిని గాక రామయ్యా
నేనేమి చేయుదును రామయ్యా
నీయానచే గాక రామయ్యా
నేనేల ధరనుందు రామయ్యా
నీభక్తులే గాక రామయ్యా
నేలపై హితులెవరు రామయ్యా
నీభూరికృప గాక రామయ్యా
నేనేమి వలచెదను రామయ్యా
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలు ప్రచురితం అవుతాయి.