నేనుండేదా యిటుల నేనుండేదా

నేనుండేదా యిటుల నేనుండేదా రామ

నేనుండేదా హాయిగా నుండేదా

నీయందే శ్రధ్ధ నిలిపి నీయందే బుధ్ధి నిలిపి

నీయందే తెలివి నిలిపి నేనుండేదా

నీయందే శాస్త్ర మరసి నీయందే సత్య మరసి

నీయందే  జ్ఞాన మరసి నేనుండేదా

నీయందే మనసు కలిగి నీయందే ఆశ కలిగి

నీయందే ప్రేమ కలిగి నేనుండేదా

నీయందే విశ్వ మెరిగి నీయందే సర్వ మెరిగి

నీయందే నన్నెరింగి నేనుండేదా

నీయందే రక్తి నొంది నీయందే భక్తి నొంది

నీయందే శక్తి నొంది నేనుండేదా

నీయందే యునికి నరసి నీయందే మనికి నరసి

నీయం దానంద మరసి నేనుండేదా