అడుగ వయా నీప్రశ్శ నది యేమిటో
అడిగితే కొంటెప్రశ్న యనబోకయ్యా
సొమ్మ లేమి చేయు నయ్యా
సుఖముల కొనిపించు నయ్యా
సొమ్ము లేలా సుఖము లేలా
కమ్మనిది హరినామమైతే
జయము లేమి చేయు నయ్యా
చాలగర్వము నిచ్చు నయ్యా
జయము లేలా గరువ మేలా
చాలునది హరిస్మరణ మైతే
పాప మేమి చేయు నయ్యా
పట్టి నరకము చూపు నయ్యా
పాప మేలా నరక మేలా
పట్టవలె హరిపాద ములను
పుణ్య మేమి చేయు నయ్యా
భోగముల నందించు నయ్యా
పుణ్య మేలా భోగ మేలా
పొందదగనది మోక్షమైతే
తను వదేమి చేయు నయ్యా
తగని బంధము లిచ్చు నయ్యా
తను వదేలా బంధ మేలా
తాను హరితో నొకటై యుండ
ఏమి చేయుదు నేమి చేయుదు
నెట్లు హరితో నొకటై యుందు
రామ రామ యనుటే దారి
రాముడన శ్రీహరియే నయ్యా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.