నరసింహ నరసింహ నరసింహ బహు
కరుణామయుడ వీవు నరసింహ
పద్మకేసరవర్ణ నరసింహ నీవు
బంగారుతండ్రివే నరసింహ
పద్మనాభుడ వయ్య నరసింహ నాకు
పరమసులభుడ వైన నరసింహ
జడుడను నన్నేల నరసింహ నీవు
వడివడిగ వచ్చితివి నరసింహ
అడుగకయ దరిసెనము నరసింహ నాకు
కడు దయ నిచ్చితివి నరసింహ
పగటి నిద్దురలోన.నరసింహ నీవు
ప్రత్యక్ష మైనావు నరసింహ
జగమేలు నీయాన నరసింహ నాకు
ద్విగుణ మాయెను భక్తి నరసింహ
నీవు తోచిన దాది నరసింహ రాము
డావహించెను నన్ను నరసింహ
నీవు నడిపించగను నరసింహ రామ
దేవుని కీర్తించెద నరసింహ
