శ్రీరామనామమా జిహ్వ నుండవే
నారాత మార్చవే నన్నేలవే
ఆరూఢిగ ఘనయోగుల
చేరియుండు నామమా
మారవైరి హృదయమున
మసలుచుండు నామమా
కూరిమిగల వారికెల్ల
కొంగుబంగరు నామమా
భూరికృపను సద్భక్తుల
బ్రోచుచుండు నామమా
మారకోటిసుందరుడగు
మాశ్రీహరి నామమా
ధారాధరఘనశ్యాముని
దయను తెచ్చు నామమా
ఘోరదురితవనములపై
గొడ్డలి యగు నామమా
సారహీనసంసారము
చక్కబెట్టు నామమా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.