శ్రీరామచంద్ర నే సేవింతు నిన్నెపుడు
ఓరామచంద్ర నే నున్నదే నీకొఱకు
కువలయ నాయక నిన్ను కొలిచెదను మానకను
రవిసుతుని వలె నీకై ప్రాణము నే నిచ్చెదను
పవమానసుతుని వలె పాడెద నీ నామమును
శివుని వలెను నిత్యమును చేసెద నీ ధ్యానమును
నీసత్కీర్తిని నేను నిత్యమును చాటెదను
దాసుడనై నిన్నెపుడు తప్పక సేవించెదను
భాసురమౌ నీమహిమ వదలక నే పొగడెదను
వాసిగ నీ గుణరూపవర్ణనమే చేసెదను
అడిగిన వన్నియు నిత్తు వందురురా నిన్నెపుడు
అడుగక నే నన్యముల నడుగుదురా మోక్షమును
కడువేగముగ నన్ను కరుణించు మికనైన
ఉడురాజముఖ నన్ను నడుపవయా నీపురికి
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.