మంగళ మనరే మన రామయ్యకు
మహి కేతెంచిన వెన్నునకు
మంగళ మనరే మన సీతమ్మకు
మంగళ మనరే మన సీతమ్మకు
మంగళదేవత శ్రీరమకు
మంగళ మనరే ముల్లోకంబుల
మసలుచు నుండెడి సుజనులకు
మంగళ మనరే సీతారాముల
మంగళ మనరే సీతారాముల
మరువుజొచ్చు నిజభక్తులకు
మంగళ మనరే సీతారాముల
మంగళ మనరే సీతారాముల
మహిమనెఱింగిన విబుధులకు
మంగళ మనరే సీతారాముల
మంగళ మనరే సీతారాముల
మదిలో దలచెడు వారలకు
మంగళ మనరే రామభజనలను
మానక చేసెడు మాన్యులకు
మంగళ మనరే రామభక్తి నిల
మంగళ మనరే రామభక్తి నిల
మరిమరి చాటెడు భక్తులకు
మంగళ మనరే రాముని భక్తుల
మంగళ మనరే రాముని భక్తుల
సంగతి నుండెడు సుజనులకు
మంగళ మనరే రాముని మోక్షము
మంగళ మనరే రాముని మోక్షము
మాత్రము వేడెడు సుకృతులకు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.