మంగళ మనరే

మంగళ మనరే మన రామయ్యకు 

    మహి కేతెంచిన వెన్నునకు
మంగళ మనరే మన సీతమ్మకు 

    మంగళదేవత శ్రీరమకు

మంగళ మనరే ముల్లోకంబుల 

    మసలుచు నుండెడి సుజనులకు
మంగళ మనరే సీతారాముల 

    మరువుజొచ్చు నిజభక్తులకు
మంగళ మనరే సీతారాముల 

    మహిమనెఱింగిన విబుధులకు
మంగళ మనరే సీతారాముల 

    మదిలో దలచెడు వారలకు

మంగళ మనరే రామభజనలను 

    మానక చేసెడు మాన్యులకు
మంగళ మనరే రామభక్తి నిల 

    మరిమరి చాటెడు భక్తులకు
మంగళ మనరే రాముని భక్తుల 

    సంగతి నుండెడు సుజనులకు
మంగళ మనరే రాముని మోక్షము 

    మాత్రము వేడెడు సుకృతులకు