నీకిచ్చే సొమ్ములురా నీవే దాచుకో
నా కాపని పెట్టకురా నావలన కాదు
నా కాపని పెట్టకురా నావలన కాదు
నేడో రేపో పడిపోయే నేనెటుల దాచుదును
నేడు రే పను ప్రసక్తి లేని నీవే దాచుకో
వేడుకయే నీకున్న యెడల విధమును నీకుండును
పాడుచేసుకొందువో కాపాడుకొందువో
పెట్టినట్టి సొమ్ములు పెట్టక పెట్టుచుంటి దినదినము
పెట్టినన్నాళ్ళును నేనివి పెట్టి మురియు వాడ
పెట్టెడి ఈవెఱ్ఱి కొకదినము పెట్టు కాలపాశము
అట్టే వీటిని విడచెదవో అన్నీ దాచుకొందువో
అన్నీ దాచుకొందువో యివి యనవసర మందువో
విన్నవించి చెప్పుటయే నా కున్న బాధ్యత
అన్నీ నీకే తెలియునుగా అందాలరామ నీ
కెన్ని కీర్తనాలంకారము లిచ్చినా తక్కువే
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.