బాలుడై యున్నాడు భగవంతుడు సురల
మేలెంచి మది నిదే మేదిని జేరి
వరము లిచ్చు పని యేమో బ్రహ్మగారిది ఆ
వరములతో విఱ్ఱవీగు పని దైత్యులది ఆ
వరము లన్ని వమ్ము జేయు పని వెన్నునిది ఆ
హరి నేడు ధరపైన నవతరించినాడు
కామిత శుభ వరదు డైన శ్రీకాంతుడు సుర
కామిత మగు రావణ వధ ఘటియింపగను తమ
కామన లన్నియును తీర ఘనులు మునులకు శ్రీ
రాము డనగ ప్రభవించెను రవికులమందు
శ్రీరమారమణు డిదే చేరెను భువికి ఇక
శ్రీరమారమణి చేరు సీతగ నటకు ఆ
శ్రీరమారమణి తోడ నారాయణుడు దు
ర్వారవిక్రము డగు రావణు బాధ నణచును
