మోమేల దాచేవురా

మోమేల దాచేవురా శ్రీరామ

నీమోము చూపించరా

నీముద్దు మోమున నిలచిన చిరునవ్వు 

ప్రేమతొ తిలకించ విచ్చేసె నీతండ్రి

కలువల కన్నుల కాంతుల సొగసుల

తిలకించ విచ్చేసె కులదీప నీ తండ్రి

బుడిబుడి యడుగుల తడబడు నినుజూడ

వడివడి చనుదెంచె వనజాక్ష నీతండ్రి

ముద్దైన పలుకుల మురిపించు నినుజూచి

ముద్దాడగా వచ్చె మోముజూపర తండ్రి

నీలాలకలు గప్పు నీమోము తిలకించ

చాల వేడుకతోడ చనుదెంచె నీతండ్రి

నిను జూడకుండంగ నిలువలేక సభను

జనపతి నీతండ్రి చాలించి విచ్చేసె