చిన్నివిల్లు చేతబట్టె శ్రీరాముడు

చిన్నివిల్లు చేతబట్టె శ్రీరాముడు భలే
చిన్నిచిన్ని నగవులతో శ్రీరాముడు

బాలుడవు నీకెందుకు బాణము లంటే
చాల యలిగి చూచుచుండు బాలరాముడు

ములకులతో నెవ్వరిని మొత్తెద వంటే
పలువురు రాకాసుల నను బాలరాముడు

చాలు వారిజోలి కేగ నేలర యంటే
నేలను నాకెదు రెవరను బాలరాముడు

పరముదుష్టులయ్య వారు వద్దుర యంటే
పరమవీరుడను నేనను బాల రాముడు

వారు దాగికొందు రేమొ బాలుడ యంటే
వారిని నే వెదకెద నను బాలరాముడు

వారిని గురిచేయు టేల బాలుడ యంటే
వార లధర్మాత్ములనును బాలరాముడు