శ్రీరామ శ్రీరామ శ్రీరామ యని పలుకు జిహ్వ నీకుండిన చాలు
శ్రీరామ తత్త్వమును నిత్యమును చింతించు చిత్తము నీకున్న చాలు
శ్రీరామచంద్రుని గుణముల కీర్తించు జిహ్వ నీకుండిన చాలు
శ్రీరామచంద్రుని పదముల ధ్యానించు చిత్తము నీకున్న చాలు
శ్రీరామభజనలో చిందులు త్రొక్కెడి జిహ్వ నీకుండిన చాలు
శ్రీరామునే దక్క యన్యుల నెన్నని చిత్తము నీకున్న చాలు
శ్రీరాము నెప్పుడు వర్ణించి మురిసెడు జిహ్వ నీకుండిన చాలు
శ్రీరాము నెల్లపుడు సేవించి మురిసెడు చిత్తము నీకున్న చాలు
శ్రీరాముడే నాకు జీవితమని పలుకు జిహ్వ నీకుండిన చాలు
శ్రీరాము డిచ్చిన భాగ్యమే చాలను చిత్తము నీకున్న చాలు
శ్రీరామపారమ్యమును లెస్స బలికెడు జిహ్వ నీకుండిన చాలు
శ్రీరామపారమ్యమును నిశ్చయించిన చిత్తము నీకున్న చాలు
