ఈరాముడు దేవుడు మీరెల్లరు తెలియు
డీరాముడే దేవుడు
వనిత లక్ష్మి యెకతె వసుమతి యొకతె
తనకు దేవేరు లనగ తనరారు వెన్నుడు
వనజాసను డొకడు మనసిజు డొకడు
తనకు సుపుత్రు లనగ తనరారు వెన్నుడు
దుష్టుల శిక్షించు శిష్టుల రక్షించు
సృష్టికారకుడైన శ్రీమన్నారాయణుడు
సురలు ప్రార్ధింపగ ధరణి ప్రార్ధింపగ
నరుడై జన్మించినట్టి నారాయణ స్వామి
సుజనుల కరుణించి కుజనుల నడగించి
నిజధామ మందున్న నీరజాక్షుడు హరి
