కొందరు రాముడనే గోవిందుడే
కొందరు కృష్ణుడనే గోవిందుడు
అపుడైన నిపుడైన నవనికి దిగివచ్చి
కృపతోడ నరుడైన హరియే వాడు
అపరాథులైనట్టి యసురుల దునుమాడి
ప్రపన్నులను గాచిన ప్రభువే వాడు
ఆరాముడై గాని యాకృష్ణుడై గాని
క్రూరరాక్షసవధను గోవిందుడు
చేరవచ్చిన రాక్షసిని జంపి మొదలిడెను
కోరి జనహితమునా గోవిందుడు
శ్రీరామయని గాని శ్రీకృష్ణయని గాని
నోరార యెవ్వాడు నుడువును వాడు
చేరు గోవిందుని చే‌ర డింక ధరణి
కోరి కొలవండయ్య గోవిందుని
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.