నిత్యము శుభములు కలుగునయా యిది సత్యము సత్యము సత్యమయా
నీశుభనామము పలుకుచు మురిసెడు నీనిజభక్తుల కందరకు
నీశుభచరితము చదువుచు నుండెడు నిర్మలబుధ్దుల కందరకు
నీదాసులతో సాహచర్యమును నెఱపెడు సజ్జను లందరకు
నీదాసత్వము గైకొని మిక్కిలి నిష్ఠగ నుండెడు సుమతులకు
నిన్నే తల్లిగ తండ్రిగ దలచెడు నిశ్చలబుధ్ధుల కందరకు
నిన్నే పతిగా గతిగా దలచుచు నున్నమహాత్ముల కందరకు
భవతారక నీపాదాంబుజములు వదలని భక్తుల కందరకు
భువనేశ్వర శ్రీరామచంద్ర నిను పొగడెడు భక్తుల కందరకు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.