శ్రీరామ రామ రామా శ్రితపారిజాత రామా
కారుణ్యధామ రామా కమనీయనామ రామా
సురవైరినాశ రామా పురవైరిస్తుత్య రామా
నరలోకసార్వభౌమా పరమాత్మ సుగుణధామా
సరసీరుహాక్ష రామా శాంతిప్రదాత రామా
ధరణీసుపుత్రిసీతాతరుణీసమేత రామా
జయ జానకీశ రామా జగదేకసార్వభౌమా
జయ ధర్మనిలయ రామా సత్యప్రతిజ్ఞ రామా
జయ నిగమవేద్య రామా జ్ఞానప్రకాశ రామా
జయ భక్తవరద రామా సర్వార్తిశమన రామా
మరుతాత్మజాతసేవ్యమహనీయపాద రామా
వరయోగిరాజహృదయాంబరసూర్యమూర్తి రామా
సురలోకనిత్యవంద్యచరణారవింద రామా
శరణాగతార్తినాశబిరుదప్రసిధ్ధ రామా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.