కం. జగమే శ్రీరామమయం
బుగ నెఱిగన వాని కన్న పుడమిని ధన్యుం
డగుపడునే మాబోంట్లకు
జగమంతయు దుఃఖమయము జగదీశ హరీ
హరీ, ఓ జగదీశ్వరా!
ఈప్రపంచం అంతా రామమయం అని చక్కగా లోనెఱిగిన మనిషే ధన్యుడు. వాడి కంటే ధన్యుడు మరొకడు ఉండనే ఉండడు.
సరేలే, మాబోటి వాళ్ళ మాట వేరే చెప్పాలా?
మాకు ఈజగమంతా దుఃఖమయం అన్నట్టు కనిపిస్తూ ఉంటుంది.
యథాఽస్మై రోచతే విశ్వం తథేదం పరివర్తతే అన్నారు. అందుకే విశ్వం రామమయం అనుకొంటే అంతే దుఃఖమయం అనుకొంటే అంతే.
