రాముని సేవించరే

రాముని సేవించరే సీతారాముని సేవించరే

ప్రేమతొ మీకెల్ల కామితముల నిచ్చు 

ఇనవంశతిలకుని ఘననీలగాత్రుని

వనజాయతాక్షుని ప్రతిలేని వీరుని

మునిరాజు గాధేయుని ప్రియ శిష్యుని

మనసిజమోహను వినుతసుశీలుని

రావణాదిదనుజవ్రాతంబు నణగించి

దేవగణముల వెతల దీర్చి రక్షించిన

దేవదేవుని హరిని భావజజనకుని

పావనమూర్తిని పట్టాభిరాముని

అవలీలగ తన యమృతనామము చేత

భవచక్రమును ద్రుంచి పరమపదమునిచ్చు

అవనీసుతాహృదయారవిందరవిని

పవమాననందనపరిసేవితాంఘ్రుని